Xəbərlər

Kibertəhlükəsizlik risklərinin azaldılması və ehtiyat planları mövzusunda praktiki təlim keçiriləcək.

Dekabrın 2-də Bakı KOB İnkişaf Mərkəzi (KOBİM) tərəfindən “Kibertəhlükəsizlik risklərinin azaldılması və ehtiyat planları” mövzusunda praktiki təlim keçiriləcək. Təlim zamanı Bakı KOBİM-in peşəkar eksperti Sahib Rəhimov aşağıdakı mövzulardan danışacaq: - Biznes üçün əsas kiber risklərin xəritələndirilməsi; - Risklərin minimuma endirilməsi strategiyaları; - Fövqəladə hallar üçün ehtiyat planının qurulması; - Hücum sonrası bərpa və davamlılıq tədbirləri. Təlim 2 dekabr saat 13:00-da “Bakı KOB evi”ndə keçiriləcəkdir. Əlaqə və qeydiyyat üçün: (+994) 55 320 62 21 Qeyd edək ki, Bakı KOBİM tərəfindən göstərilən bütün xidmətlər ödənişsizdir.