Xəbərlər

"KOB-lar süni intellektlə hansı resurslarına qənaət edə bilər?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 22-də Bakı KOBİM-in təşkilatçılığı ilə "Bakı KOB evi"ndə "KOB-lar süni intellektlə hansı resurslarına qənaət edə bilər?" mövzusunda növbəti təlim keçirilib. 7 nəfərin iştirak etdiyi təlimdə Bakı KOBİM-in eksperti tərəfindən süni intellektin KOB-larda vaxt, əmək və maliyyə resurslarına təsiri, əməliyyatların avtomatlaşdırılması və xərclərin azaldılması üsulları, müştəri xidmətləri, satış və logistika sahələrində tətbiqi , resursların daha səmərəli idarə olunması üçün süni intellekt əsaslı həllər haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.