Xəbərlər

Komanda qurulması və idarəedilməsi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 4-də Bakı KOBİM-in təşkilatçılığı ilə "Komanda qurulması və idarəedilməsi" mövzusunda növbəti təlim keçirilib. 9 nəfərin iştirak etdiyi təlimdə Bakı KOBİM-in eksperti tərəfindən iştirakçılara komanda quruculuğu prinsipləri, effektiv komanda idarəetmə metodları, motivasiya və əməkdaşlıq strategiyaları, problemlərin həlli və konfliktlərin idarə olunması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.