Xəbərlər

"Komandanı qurmaq yoxsa idarə etmək?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 21-də Bakı KOBİM-in təşkilatçılığı ilə "Bakı KOB evi"ndə "Komandanı qurmaq yoxsa idarə etmək?" mövzusunda növbəti təlim keçirilib. 5 nəfərin iştirak etdiyi təlimdə Bakı KOBİM-in eksperti tərəfindən komandanın formalaşdırılmasında diqqət edilməli məqamlar və komanda üzvlərinin rolları, yeni yaradılmış komandanın inkişafı və idarə edilməsi, əməkdaşlıq, motivasiya və əmək bölgüsünün düzgün təşkili haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.