Xəbərlər

Layihə idarəçiliyində komanda quruculuğu mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 27-də Bakı KOBİM-in təşkilatçılığı ilə "Layihə idarəçiliyində komanda quruculuğu" mövzusunda növbəti təlim keçirilib. 21 nəfərin iştirak etdiyi təlimdə Bakı KOBİM-in eksperti tərəfindən iştirakçılara layihə idarəçiliyində komandanın rolu, komanda formalaşdırma prosesləri, ünsiyyət və əməkdaşlıq, motivasiya və liderlik haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.