Xəbərlər

"Layihə rəhbərinin risk idarəedilməsi bacarığı" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 30-da Bakı KOBİM-in təşkilatçılığı ilə "Layihə rəhbərinin risk idarəedilməsi bacarığı" mövzusunda növbəti təlim keçirilib. 9 nəfərin iştirak etdiyi təlimdə Bakı KOBİM-in eksperti tərəfindən risk anlayışı və layihə idarəçiliyində rolu, risk növləri və təsnifatı, risklərin identifikasiyası və qiymətləndirilməsi, riskin idarəetmə strategiyaları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.