Xəbərlər

"Layihədə risklərə qarşı sığortalanmaq" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 1-də Bakı KOBİM-in təşkilatçılığı ilə "Layihədə risklərə qarşı sığortalanmaq" mövzusunda növbəti təlim keçirilib. 17 nəfərin iştirak etdiyi təlimdə Bakı KOBİM-in eksperti tərəfindən layihə risklərinin növləri və təsnifatı, sığortanın layihə idarəçiliyində rolu, risk analizi, risklərə qarşı sığorta tədbirləri haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.