Xəbərlər

Maliyyə planının hazırlanması mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 27-də Bakı KOBİM-in təşkilatçılığı ilə "Maliyyə planının hazırlanması" mövzusunda növbəti təlim keçirilib. 18 nəfərin iştirak etdiyi təlimdə Bakı KOBİM-in eksperti tərəfindən iştirakçılara maliyyə planının anlayışı və məqsədi, maliyyə məqsədlərinin müəyyənləşdirilməsi, gəlir və xərclərin təhlili, maliyyə planının izlənməsi və yenilənməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.