Xəbərlər

"Maliyyə risklərinin idarə edilməsi. Səni hansı risklər gözləyir?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 23-də Bakı KOBİM-in təşkilatçılığı ilə "Bakı KOB evi"ndə "Maliyyə risklərinin idarə edilməsi. Səni hansı risklər gözləyir?" mövzusunda növbəti təlim keçirilib. 5 nəfərin iştirak etdiyi təlimdə Bakı KOBİM-in eksperti tərəfindən KOB-lar üçün maliyyə risklərinin əsas növləri, risklərin vaxtında aşkarlanması və qiymətləndirməsi yolları, büdcə, borclanma və likvidlik risklərinin idarə olunması, haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.