Xəbərlər

Marketinq layihələri mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 3-də Bakı KOBİM-in təşkilatçılığı ilə "Marketinq layihələri" mövzusunda növbəti təlim keçirilib. 7 nəfərin iştirak etdiyi təlimdə Bakı KOBİM-in eksperti tərəfindən iştirakçılara layihə yanaşmasının marketinqdə əhəmiyyəti, marketinq layihələrinin planlaşdırılması, marketinq layihələrinin növləri, layihə icrası və koordinasiya mərhələsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.