Xəbərlər

"Məhsul üçün düzgün hədəf auditoriya seçmək" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 20-də Bakı KOBİM-in təşkilatçılığı ilə "Məhsul üçün düzgün hədəf auditoriya seçmək" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən hədəf auditoriyanın biznes üçün önəmi, auditoriya analizinin əsasları, rəqəmsal platformalarda hədəfləmə, auditoriya segmentləşdirmə haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.