Xəbərlər

Məlumatların standartlaşdırılması və növlərinin dəyişdirilməsi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 18-də Bakı KOBİM-in təşkilatçılığı ilə "Məlumatların standartlaşdırılması və növlərinin dəyişdirilməsi" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara məlumatların standartlaşdırılmasının məqsədi, məlumat növləri və formatları, data təmizlənməsi və çevrilməsi, məlumat növlərinin dəyişdirilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.