Xəbərlər

Mühasibat uçotunda əsas vəsaitlərin xüsusiyyətləri mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 24-da Bakı KOBİM-in təşkilatçılığı ilə "Mühasibat uçotunda əsas vəsaitlərin xüsusiyyətləri" mövzusunda növbəti təlim keçirilib. 7 nəfərin iştirak etdiyi təlimdə Bakı KOBİM-in eksperti tərəfindən iştirakçılara əsas vəsait anlayışı, amortizasiya üsulları, əsas vəsaitlərin silinməsi və ya satışı, mühasibat hesabatlarında əks etdirilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.