Xəbərlər

"Müştəri analitikası: Müştəri sizi niyə tərk edir?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 28-də Bakı KOBİM-in təşkilatçılığı ilə "Müştəri analitikası: Müştəri sizi niyə tərk edir?" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən müştəri davranışlarının analizi və önəmli göstəricilər, müştəri itkisinin səbəblərinin aşkarlanması, müştəri məmnuniyyətini artırmaq üçün analitik üsullar haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.