Xəbərlər

"Müştəri məmnuniyyəti PR aləti kimi: Rəyləri və case-ləri satışa çevir" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 28-də Bakı KOBİM-in təşkilatçılığı ilə "Müştəri məmnuniyyəti PR aləti kimi: Rəyləri və case-ləri satışa çevir" mövzusunda növbəti təlim keçirilib. 6 nəfərin iştirak etdiyi təlimdə Bakı KOBİM-in eksperti tərəfindən müştəri rəylərinin effektiv toplanması və idarə olunması, rəylərin və case-lərin PR strategiyasında rolu, satışa çevrilmə prosesində müştəri hekayələrinin istifadəsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.