Xəbərlər

"Ofisdən və evdən işləyərkən kibertəhlükədən necə qorunaq?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 25-də Bakı KOBİM-in təşkilatçılığı ilə "Ofisdən və evdən işləyərkən kibertəhlükədən necə qorunaq?" mövzusunda növbəti təlim keçirilib. 5 nəfərin iştirak etdiyi təlimdə Bakı KOBİM-in eksperti tərəfindən kibertəhlükələrin əsas növləri və yayılma üsulları, şəxsi və iş cihazlarının təmin edilməsi, uzaqdan işləyən əməkdaşların təhlükəsizlik üzrə təlimləndirilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.