Xəbərlər

Ortaqlıq əsasında qurulmuş biznesin hüquqi əsasları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 25-də Bakı KOBİM-in təşkilatçılığı ilə "Ortaqlıq əsasında qurulmuş biznesin hüquqi əsasları" mövzusunda növbəti təlim keçirilib. 14 nəfərin iştirak etdiyi təlimdə Bakı KOBİM-in eksperti tərəfindən iştirakçılara ortaqlıq anlayışı və hüquqi formalar, ortaqlıq müqaviləsi və onun mahiyyəti, pay bölgüsü və kapital töhfələri, ortaqların hüquq və öhdəlikləri haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.