Xəbərlər

"PR kampaniyalarının dizayn aspekti: A-dan Z-yə vizual planlama" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 21-də Bakı KOBİM-in təşkilatçılığı ilə "Bakı KOB evi"ndə "PR kampaniyalarının dizayn aspekti: A-dan Z-yə vizual planlama" mövzusunda növbəti təlim keçirilib. 7 nəfərin iştirak etdiyi təlimdə Bakı KOBİM-in eksperti tərəfindən PR kampaniyalarında vizual elementlərin qurulması və planlaşdırılması, dizayn və brend elementlərinin hədəf auditoriyaya uyğunlaşdırılması, kreativ kontentin hazırlanması prosesində strukturlaşdırma, rəqəmsal platformalar üçün uyğun dizayn yanaşmaları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.