Xəbərlər

"Bakı KOB evi"ndə "Ekoloji çirklənmə və davamlı iqtisadi model" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 18-də Bakı KOBİM-in təşkilatçılığı ilə "Bakı KOB evi"ndə "Ekoloji çirklənmə və davamlı iqtisadi model" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən iqlim dəyişiklikləri, onun xarici təsirləri, bazar səmərəliliyi problemi, onun həlli yolları, şəhərlərdə yaşıl iqtisadi transformasiya prosesi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.