Xəbərlər

"Bakı KOB evi"ndə "İdeyadan biznesə: Uğurlu biznes modelinin qurulması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 3-də Bakı KOBİM-in təşkilatçılığı ilə "Bakı KOB evi"ndə "İdeyadan biznesə: Uğurlu biznes modelinin qurulması" mövzusunda növbəti təlim keçirilib. 8 nəfər iştirakçının qatıldığı təlimdə Bakı KOBİM-in təlimçi-eksperti tərəfindən biznes ideyasının formalaşdırılması, biznes modelinin qurulması, əsas elementləri, dəyər və gəlir yaratmaqda onun rolu barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.