Xəbərlər

"Bakı KOB evi"ndə "Praktiki satış texnikaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 4-də Bakı KOBİM-in təşkilatçılığı ilə "Bakı KOB evi"ndə "Praktiki satış texnikaları" mövzusunda növbəti təlim keçirilib. 11 nəfər iştirakçının qatıldığı təlimdə Bakı KOBİM-in təlimçi-eksperti tərəfindən müştəri ehtiyacının müəyyənləşdirilməsi, ehtiyaca uyğun təkliflərin verilməsi, düzgün təqdimatın edilməsi və sualların ünvanlanması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.