Xəbərlər

"Bakı KOB evi"ndə "Rəqəmsal marketinqdə satış alətləri və texnikaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 19-da Bakı KOBİM-in təşkilatçılığı ilə "Bakı KOB evi"ndə "Rəqəmsal marketinqdə satış alətləri və texnikaları" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən rəqəmsal satış qıfının qurulması, marketinq strategiyasının hazırlanması, sosial şəbəkələr üzərindən satışların aparılması, keyfiyyət və məmnuniyyət anlayışı, onların ölçülməsi və istifadə olunan üsullar barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.