Xəbərlər

"Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 21-də Bakı KOBİM-in təşkilatçılığı ilə "Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib. 10 nəfər iştirakçının qatıldığı təlimdə Bakı KOBİM-in təlimçi-eksperti tərəfindən biznes büdcəsinə nəzarət, dövriyyə (işçi) kapitalının idarə edilməsi, debitor və kreditor borc anlayışı, onların tənzimlənməsi, mal-material ehtiyatları üçün kapitalın ayrılması, onun idarəsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.