Xəbərlər

"Bakı KOB evi"ndə "Şəxsi brendinq" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 22-də Bakı KOBİM-in təşkilatçılığı ilə "Bakı KOB evi"ndə "Şəxsi brendinq" mövzusunda növbəti təlim keçirilib. 15 nəfər iştirakçının qatıldığı təlimdə Bakı KOBİM-in təlimçi-eksperti tərəfindən şəxsi brendinq anlayışı, onun sahibkarlar üçün önəmi, dəyər, vizyon və missiyanın müəyyənləşdirilməsi, brendinq strategiyasının qurulması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.