Xəbərlər

"Bakı KOB evi"ndə "Ünsiyyət" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 29-da Bakı KOBİM-in təşkilatçılığı ilə "Bakı KOB evi"ndə "Ünsiyyət" mövzusunda növbəti təlim keçirilib. 22 nəfər iştirakçının qatıldığı təlimdə Bakı KOBİM-in təlimçi-eksperti tərəfindən şəxsi brendinqin formalaşdırılması, kommunikasiyanın rolu, brendinq üzərində təsirləri, effektiv ünsiyyət üçün alət və texnikalar barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.