Xəbərlər

"Bakı KOB evi"ndə "Yeni bizneslərə dövlətin maliyyə dəstəyi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 12-də Bakı KOBİM-in təşkilatçılığı ilə "Bakı KOB evi"ndə "Yeni bizneslərə dövlətin maliyyə dəstəyi" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən bizneslərə dövlət tərəfindən göstərilən maliyyə dəstəyi, qrantlar, subsidiyalar, əvəzləmələr haqqında məlumatlar, onlardan yararlanmaq və müraciət qaydaları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.