Xəbərlər

"Bazar araşdırması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 23-də Bakı KOBİM-in təşkilatçılığı ilə "Bakı KOB evi"ndə "Bazar araşdırması" mövzusunda növbəti təlim keçirilib. 10 nəfər iştirakçının qatıldığı təlimdə Bakı KOBİM-in təlimçi-eksperti tərəfindən düzgün bazar araşdırmasının aparılması, müştəri ehtiyacının müəyyənləşdirilməsi üsulları və alınan nəticələrin təhlili barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.