Xəbərlər

"Komanda quruculuğu" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 12-də Bakı KOBİM-in təşkilatçılığı ilə "Bakı KOB evi"ndə "Komanda quruculuğu" mövzusunda növbəti təlim keçirilib. 13 nəfər iştirakçının qatıldığı təlimdə Bakı KOBİM-in təlimçi-eksperti tərəfindən komanda və qrup arasındakı fərq, keyfiyyətli iş prosesinin qurulması, bunun üçün lazım olan əsas addımlar və komandanı inkişaf etdirməyin yolları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.