Xəbərlər

"Layihələrin idarə edilməsi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 25-də Bakı KOBİM-in təşkilatçılığı ilə "Bakı KOB evi"ndə "Layihələrin idarə edilməsi" mövzusunda növbəti təlim keçirilib. 16 nəfər iştirakçının qatıldığı təlimdə Bakı KOBİM-in təlimçi-eksperti tərəfindən layihədə satınalmanın idarəedilməsi, onun əsas mərhələləri, prosesdə yarana biləcək risklərin idarəsi və keyfiyyətin tənzimlənməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.