Xəbərlər

"Məhsul-bazar uyğunluğunun tapılması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 6-da Bakı KOBİM-in təşkilatçılığı ilə "Bakı KOB evi"ndə "Məhsul-bazar uyğunluğunun tapılması" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən məhsul-bazar uyğunluğu anlayışı, düzgün bazar araşdırmasının aparılması, bunun üçün istifadə olunacaq alətlər, bazar göstəricilərinin düzgün qiymətləndirilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.