Xəbərlər

"Müasir dövrdə sahibkarlar üçün yumşaq bacarıqlar" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 27-də Bakı KOBİM-in təşkilatçılığı ilə "Bakı KOB evi"ndə "Müasir dövrdə sahibkarlar üçün yumşaq bacarıqlar" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən yumşaq bacarıqların müasir dövrdə əhəmiyyəti, onların biznesdə rolu, qərarvermə və problemlərin həll edilməsində tətbiqi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.