Xəbərlər

"Sahibkarlar üçün sığortanın faydası" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 17-də Bakı KOBİM-in təşkilatçılığı ilə "Bakı KOB evi"ndə "Sahibkarlar üçün sığortanın faydası" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən sığortanın əsas anlayışları, sahibkarlıqda əhəmiyyəti, biznesdə sığortanın tənzimlənmə prosesi, yerli və xarici təcrübələr barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.