Xəbərlər

"Sahibkarlıqda ortaqlıq və ilkin hüquqi biliklər" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 26-da Bakı KOBİM-in təşkilatçılığı ilə "Bakı KOB evi"ndə "Sahibkarlıqda ortaqlıq və ilkin hüquqi biliklər" mövzusunda növbəti təlim keçirilib. 14 nəfər iştirakçının qatıldığı təlimdə Bakı KOBİM-in təlimçi-eksperti tərəfindən sahibkarlıqda ortaqlığın hüquqi aspektləri, normativ hüquqi aktlar, mübahisələr və hüquqi ziddiyətlərin həlli barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.