Xəbərlər

Rənglərin dizaynda önəmi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 6-da Bakı KOBİM-in təşkilatçılığı ilə "Rənglərin dizaynda önəmi" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən iştirakçılara rənglərin psixoloji mənaları, marka kimliyində rəng seçiminin rolu, vizual balans və kontrastın əhəmiyyəti, rəng istifadəsində ümumi dizayn qaydaları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.