Xəbərlər

Rəqəmsal qərarlarda süni intellekt və data analitika mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 25-də Bakı KOBİM-in təşkilatçılığı ilə "Rəqəmsal qərarlarda süni intellekt və data analitika" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən iştirakçılara data əsaslı (data-driven) qərarvermənin mahiyyəti, süni intellekt və data analitikanın qərarverməyə təsiri, data analitikanın süni intellektlə inteqrasiyası prinsipləri, dashboard və göstərici panellərinin hazırlanması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.