Xəbərlər

Rüblük hesabatların hazırlanması (Vahid bəyannamə) mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 17-də Bakı KOBİM-in təşkilatçılığı ilə "Rüblük hesabatların hazırlanması (Vahid bəyannamə)" mövzusunda növbəti təlim keçirilib. 12 nəfərin iştirak etdiyi təlimdə Bakı KOBİM-in eksperti tərəfindən iştirakçılara vahid bəyannamə, gecikmə və səhvlər zamanı tətbiq olunan sanksiyalar, bəyannamənin strukturunun izahı, maliyyə məlumatlarının toplanması və uyğunlaşdırılması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.