Xəbərlər

"Sahibkarın şəxsi brendi biznesə necə təsir edir?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 25-də Bakı KOBİM-in təşkilatçılığı ilə "Sahibkarın şəxsi brendi biznesə necə təsir edir?" mövzusunda növbəti təlim keçirilib. 6 nəfərin iştirak etdiyi təlimdə Bakı KOBİM-in eksperti tərəfindən şəxsi brendin formalaşması və strateji önəmi, sahibkarın imicinin müştəri davranışlarına təsiri, sosial mediada fərdi brendin idarə olunması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.