Xəbərlər

Satış məlumatlarının analizi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 1-də Bakı KOBİM-in təşkilatçılığı ilə "Satış məlumatlarının analizi" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara satış məlumatlarının toplanması və təmizlənməsi, trendlərin və davranış nümunələrinin analizi, müştəri seqmentasiyası və proqnozlaşdırma, satış qərarlarının məlumat əsaslı verilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.