Xəbərlər

"Satış strategiyasının qurulması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 27-də Bakı KOBİM-in təşkilatçılığı ilə "Satış strategiyasının qurulması" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən satış strategiyası və biznesdə rolu, satış hədəflərinin və KPI-lərin təyin olunması, satış kanallarının və üsullarının seçilməsi, nəticələrin ölçülməsi və optimallaşdırma haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.