Xəbərlər

"Şirkətlərarası təchizat zəncirinin qurulması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 16-da Bakı KOBİM-in təşkilatçılığı ilə "Şirkətlərarası təchizat zəncirinin qurulması" mövzusunda növbəti təlim keçirilib. 9 nəfərin iştirak etdiyi təlimdə Bakı KOBİM-in eksperti tərəfindən təchizat zəncirinin anlayışı, təchizatçı seçimi və qiymətləndirmə meyarları, müqavilələrin və öhdəliklərin idarə edilməsi, şirkətlərarası əlaqə və məlumat mübadiləsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.