Xəbərlər

Sosial media reklamları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 27-də Bakı KOBİM-in təşkilatçılığı ilə "Sosial media reklamları" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara hədəf auditoriyanın müəyyənləşdirilməsi, reklam növləri və formatları, reklam kampaniyalarının hazırlanması, nəticələrin ölçülməsi və optimallaşdırma haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.