Xəbərlər

Startap nədir və startap ideyası mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 21-də Bakı KOBİM-in təşkilatçılığı ilə "Startap nədir və startap ideyası" mövzusunda növbəti təlim keçirilib. 12 nəfərin iştirak etdiyi təlimdə Bakı KOBİM-in eksperti tərəfindən iştirakçılara startap anlayışı və ənənəvi biznesdən fərqləri, startap ideyasının formalaşma mərhələləri, problem–həll uyğunluğunun düzgün müəyyən edilməsi, ideyanın bazar uyğunluğunun test edilməsi və ilkin addımlar haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.