Xəbərlər

"Startaplar üçün ilkin maliyyələşmə strategiyaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 5-də Bakı KOBİM-in təşkilatçılığı ilə "Startaplar üçün ilkin maliyyələşmə strategiyaları" mövzusunda növbəti təlim keçirilib. 13 nəfərin iştirak etdiyi təlimdə Bakı KOBİM-in eksperti tərəfindən ilkin maliyyələşmənin startap üçün əhəmiyyəti, ilkin maliyyələşmə mənbələri, ilkin maliyyənin istifadəsində strategiyalar, maliyyə proqnozları və büdcə planlaması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.