Xəbərlər

Startaplar üçün maliyyə resurslarının növləri mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 4-də Bakı KOBİM-in təşkilatçılığı ilə "Startaplar üçün maliyyə resurslarının növləri" mövzusunda növbəti təlim keçirilib. 18 nəfərin iştirak etdiyi təlimdə Bakı KOBİM-in eksperti tərəfindən iştirakçılara startaplarda maliyyə resursları növləri, investor və maliyyələşdirmə mənbələri, kapital planlaşdırma və büdcə tərtibi, risk və səmərəlilik qiymətləndirməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.