Xəbərlər

"Startapların gəlir modelləri və monetizasiya yolları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 5-də Bakı KOBİM-in təşkilatçılığı ilə "Startapların gəlir modelləri və monetizasiya yolları" mövzusunda növbəti təlim keçirilib. 13 nəfərin iştirak etdiyi təlimdə Bakı KOBİM-in eksperti tərəfindən gəlir modelinin startap strategiyasındakı rolu, monetizasiya strategiyasının qurulması, hibrid gəlir modelləri, monetizasiya yollarının optimallaşdırılması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.