Xəbərlər

Strateji PR ilə sürətli böyümə mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 6-da Bakı KOBİM-in təşkilatçılığı ilə "Strateji PR ilə sürətli böyümə" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara strateji PR anlayışı və məqsədi, brend imicinin formalaşmasında PR-ın rolu, effektiv kommunikasiya strategiyasının qurulması, media əlaqələrinin idarə olunması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.