Xəbərlər

Süni intellekt alətləri və texnologiyaları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 3-də Bakı KOBİM-in təşkilatçılığı ilə "Süni intellekt alətləri və texnologiyaları" mövzusunda növbəti təlim keçirilib. 24 nəfərin iştirak etdiyi təlimdə Bakı KOBİM-in eksperti tərəfindən iştirakçılara süni intellektin əsas anlayışları, AI alətləri və proqram təminatları, avtomatlaşdırma və data analitika tətbiqləri, praktiki AI layihələrinin idarə olunması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.