Xəbərlər

Süni intellekt əsaslı data analitika mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 18-də Bakı KOBİM-in təşkilatçılığı ilə "Süni intellekt əsaslı data analitika" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara ənənəvi analitika ilə süni intellekt əsaslı analitikanın fərqləri, data toplama və emal prosesi, süni intellektin analitik metodları, data vizuallaşdırma və süni intellekt əsaslı təqdimatlar haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.