Xəbərlər

"Süni intellektlə iş prosesini sadələşdir!" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 25-də Bakı KOBİM-in təşkilatçılığı ilə "Süni intellektlə iş prosesini sadələşdir!" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən süni intellektin əsas imkanları və biznesə təsiri, iş proseslərinin avtomatlaşdırılmasındə süni intellektin rolu, məşhur AI alətləri və onların tətbiqi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.