Xəbərlər

Sürətli böyümə üçün ictimaiyyətlə əlaqələr strategiyaları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 22-də Bakı KOBİM-in təşkilatçılığı ilə "Sürətli böyümə üçün ictimaiyyətlə əlaqələr strategiyaları" mövzusunda növbəti təlim keçirilib. 12 nəfərin iştirak etdiyi təlimdə Bakı KOBİM-in eksperti tərəfindən iştirakçılara dəyər əsaslı kommunikasiya, media ilə tərəfdaşlıq strategiyası, rəqəmsal PR, ölçüləbilən PR nəticələri haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.